RBL Bank New Rule: RBL बँकेने आपल्या ग्राहकांना एक चांगली बातमी दिली आहे. बँकेच्या अधिकृत वेबसाइटवर दिलेल्या माहितीनुसार, RBL बँक (RBL Bank) ने निवडक रकमेवर NRE/NRO बचतीसह बचत खात्यांवरील व्याजदरात 50 बेस पॉइंट्स (bps) पर्यंत वाढ केली आहे. बँकेकडून नवीन व्याजदर आजपासून म्हणजेच 21 ऑगस्ट 2023 पासून लागू करण्यात आला आहे.
RBL बँक बचत खात्यावरील व्याजदर
1 लाख रुपयांपर्यंत दैनंदिन शिल्लक असलेल्या बचत खात्यावर बँकेकडून 4.25% दर दिला जाईल. 1 लाखांपेक्षा जास्त आणि 10 लाखांपर्यंतच्या बचत खात्यावर 5.50% व्याजदर बँकेकडून भरला जाईल. याशिवाय 10 लाख ते 25 लाख रुपयांपर्यंतच्या रकमेवर बँकेकडून 6.00% व्याज दिले जाईल.
व्याजदरात 50 बेसिस पॉईंटची वाढ
बँकेने 25 लाखांपेक्षा जास्त दैनंदिन शिल्लक असलेल्या खात्यांवरील व्याजदरात 50 बेसिस पॉईंटची वाढ केली आहे. RBL च्या वतीने रु. 25 लाख ते रु. 3 कोटी दरम्यानच्या रकमेवर व्याजदर 7% वरून 7.50% पर्यंत वाढवण्यात आला आहे.
याशिवाय, बँकेने दररोज जास्त शिल्लक असलेल्या खात्यांवरील व्याजदर कमी केला आहे. 3 कोटींवरील रकमेवर व्याजदर 50 बेस पॉईंटने कमी करण्यात आला आहे. म्हणजेच 3 कोटी ते 25 कोटींपर्यंतच्या रकमेवर आता 7% ऐवजी 6.5% दराने व्याज दिले जाईल.
हे पण वाचा
25 कोटी ते 50 कोटी रुपयांपर्यंतच्या रकमेवर RBL बँक 6.25% व्याज देत आहे. याशिवाय, 50 कोटी ते 100 कोटींपर्यंतच्या रकमेवर 6.00% दराने व्याज दिले जाईल. 100 कोटी ते 200 कोटी रुपयांपर्यंतच्या रकमेवर 4 टक्के दराने व्याज दिले जाईल.
