PM Kisan Scheme: केंद्र सरकार शेतकऱ्यांच्या फायद्यासाठी खूप प्रयत्न करत आहे. यासाठी सरकारने पीएम किसान योजना सुरू केली आहे. नुकताच 14वा हप्ता सरकारने शेतकऱ्यांच्या खात्यावर वर्ग केला आहे. त्यानंतर शेतकऱ्यांना बंपर लाभ मिळाला आहे. परंतु अलीकडेच बिहारमध्ये एक नवीन प्रकरण समोर आले आहे ज्यामध्ये असे आढळून आले आहे की सुमारे 81 हजार शेतकरी अपात्र आहेत आणि ते पीएम किसान योजनेचा लाभ घेत आहेत. यासाठी सरकारने कठोर पावले उचलण्याचे आदेश दिले आहेत.

मीडिया रिपोर्ट्सनुसार, कृषी संचालक आलोक रंजन घोष म्हणाले की, बिहारच्या कृषी विभागाने केलेल्या तपासणीत 81,595 अपात्र पीएम शेतकरी लाभार्थी असल्याचे आढळले आहे. यापैकी 45,879 2020 पासून करदाते आहेत आणि 35,716 इतर कारणांमुळे अपात्र घोषित करण्यात आले आहेत. आता या अपात्र शेतकऱ्यांकडून सुमारे ८१.६ कोटी रुपयांच्या वसुलीला वेग आला आहे.

याआधी जुलै महिन्यात महाराष्ट्रात १४.२८ लाख अपात्र शेतकरी सापडले होते. त्यानंतर सरकार सुमारे 1.04 लाख लोकांकडून 93.21 कोटी रुपये वसूल करण्यात यशस्वी झाले. यानंतर महाराष्ट्राचे कृषिमंत्री धनंजय मुंडे म्हणाले की, राज्यातील काही लाभार्थ्यांकडे शेतीही नाही. मात्र त्यांना योजनेचा लाभ मिळाला आहे. गेल्या वर्षीही यूपीमध्ये २१ लाखांहून अधिक शेतकरी अपात्र ठरले होते.