प्रधानमंत्री किसान सन्मान निधी (PM Kisan) योजनेअंतर्गत पात्र शेतकऱ्यांच्या खात्यात 19वा हप्ता सोमवार, 24 फेब्रुवारी 2025 रोजी जमा होणार आहे. पंतप्रधान नरेंद्र मोदी बिहारमधील भागलपूर येथे आयोजित कार्यक्रमात PM-Kisan योजनेचा 19वा हप्ता जाहीर करतील. यावेळी 9.8 कोटी शेतकऱ्यांच्या बँक खात्यात थेट ₹22,000 कोटी ट्रान्सफर करण्यात येणार आहेत.

18वा हप्ता 5 ऑक्टोबर 2024 रोजी जारी करण्यात आला होता, आणि त्यावेळी 9.6 कोटी शेतकऱ्यांना लाभ मिळाला होता. आतापर्यंत सरकारने प्रधानमंत्री किसान सन्मान निधी योजनेअंतर्गत ₹3.46 लाख कोटींचा निधी वाटप केला आहे. 19वा हप्ता जारी झाल्यानंतर ही रक्कम ₹3.68 लाख कोटींवर जाईल.

PM-Kisan हप्ता मिळाल्यानंतर स्टेटस कसे तपासावे?

अधिकृत वेबसाइट pmkisan.gov.in ला भेट द्या.
उजव्या बाजूला असलेल्या “Know Your Status” टॅबवर क्लिक करा. हा टॅब “Farmers Corner” मध्येही उपलब्ध आहे.
रजिस्ट्रेशन नंबर आणि कॅप्चा टाका, त्यानंतर “Get OTP” वर क्लिक करा. OTP e-KYC केलेल्या मोबाईल नंबरवर येईल.
OTP टाकून पुढील प्रक्रिया पूर्ण करा.
तुमच्या खात्यात हप्ता जमा झाला आहे का, हे स्टेटस तुम्हाला दिसेल.

PM-Kisan योजनेसाठी e-KYC आवश्यक

योजनेचा लाभ पात्र शेतकऱ्यांपर्यंत पोहोचावा, यासाठी सरकारने e-KYC अनिवार्य केले आहे.

जर आधार कार्ड मोबाईल नंबरशी लिंक असेल, तर तुम्ही PM-Kisan पोर्टलवर जाऊन OTP द्वारे e-KYC करू शकता.
जर मोबाईल नंबर लिंक नसेल, तर जवळच्या CSC (Common Service Centre) केंद्रात जाऊन फिंगरप्रिंट व्हेरिफिकेशनद्वारे e-KYC पूर्ण करू शकता.