मारुती सुझुकीची प्रीमियम SUV ग्रँड विटारा खरेदी करण्याचा विचार करत असाल, तर जुलै महिना तुमच्यासाठी फायदेशीर ठरू शकतो. कारण कंपनीने या गाडीवर मोठा डिस्काउंट जाहीर केला आहे. 2024 आणि 2025 मॉडेल्सवर वेगवेगळ्या ऑफर्स उपलब्ध असून, ग्राहकांना कॅश डिस्काउंटसह एक्सटेंडेड वॉरंटी आणि इतर बेनिफिट्स दिले जात आहेत.
2024 आणि 2025 मॉडेल्सवर किती सूट मिळते?
मारुती सुझुकी ग्रँड विटारा 2024 मॉडेलवर कंपनीने 1 लाख रुपयांचा कॅश डिस्काउंट दिला आहे. शिवाय, एक्सचेंज बोनस आणि इतर बेनिफिट्स मिळून एकूण फायदा सुमारे 2 लाख रुपयांचा आहे. यासोबत 5 वर्षांची एक्सटेंडेड वॉरंटीही मिळते. दुसरीकडे, 2025 मॉडेलवर कंपनी 50 हजार रुपयांचा कॅश डिस्काउंट देत आहे आणि एकूण फायदा 1.15 लाख रुपये पर्यंत जातो. यावरही 5 वर्षांची एक्सटेंडेड वॉरंटी दिली जात आहे.
इंजिन, परफॉर्मन्स आणि मायलेज
ग्रँड विटारा आणि टोयोटाची हायरायडर ही दोन गाड्या एकाच प्लॅटफॉर्मवर विकसित करण्यात आल्या आहेत. या SUV मध्ये 1462cc K15 माईल्ड-हायब्रिड इंजिन देण्यात आलं आहे, जे 6000 RPM वर 100 bhp ची पॉवर आणि 4400 RPM वर 135 Nm टॉर्क जनरेट करतं. हे इंजिन 5-स्पीड मॅन्युअल किंवा 6-स्पीड ऑटोमॅटिक ट्रान्समिशनसोबत उपलब्ध आहे. हे सेगमेंटमधील एकमेव ऑल-व्हील ड्राईव्ह (AWD) ऑप्शनसह येतं. ग्रँड विटारा स्ट्रॉन्ग हायब्रिड e-CVT व्हेरिएंटमध्ये 27.97 kmpl चं मायलेज देते, जे आपल्या सेगमेंटमध्ये सर्वोत्तम आहे.
EV मोडसह हायब्रिड टेक्नॉलॉजीचे फायदे
ग्रँड विटारा मध्ये हायब्रिड इंजिनसह EV मोडही देण्यात आला आहे. हायब्रिड सिस्टममध्ये पेट्रोल आणि इलेक्ट्रिक या दोन्ही मोटर्सचा वापर होतो. पेट्रोल इंजिन सामान्य कारप्रमाणे कार्य करतं, तर इलेक्ट्रिक मोटर बॅटरीवर चालते. दोन्ही मोटर्स एकत्र काम करून गाडीला पॉवर देतात. पेट्रोल इंजिनने चालताना बॅटरीही चार्ज होते आणि आवश्यकतेनुसार ती इलेक्ट्रिक मोटरसाठी पॉवर पुरवते. कंपनीचा दावा आहे की, ग्रँड विटारा एका फुल टँकवर तब्बल 1200Km पर्यंतचा प्रवास करू शकते.
EV मोडमध्ये गाडी पूर्णपणे इलेक्ट्रिक मोटरवर चालते. यामध्ये आवाज होत नाही आणि ड्रायव्हिंगचा अनुभव अतिशय स्मूथ असतो. हायब्रिड मोडमध्ये पेट्रोल इंजिन जनरेटरप्रमाणे कार्य करतं आणि मोटर व्हील्सना पॉवर देते. यामुळे इंधन कार्यक्षमतेत वाढ होते आणि कार्बन उत्सर्जन कमी राहतं.
इंटेलिजंट सेफ्टी आणि स्मार्ट फीचर्स
ग्रँड विटारा मध्ये स्मार्ट सेफ्टी फीचर्सचा समावेश करण्यात आला आहे. यात टायर प्रेशर मॉनिटरिंग सिस्टम (TPMS) असून, कोणत्या टायरमध्ये किती हवा आहे हे गाडीच्या स्क्रीनवर पाहता येतं. कमी प्रेशर असल्यास अॅलर्ट मिळतो. यासोबत पॅनारोमिक सनरूफ, 360 डिग्री कॅमेरा, वायरलेस चार्जिंग, डिजिटल इन्स्ट्रुमेंट क्लस्टर, ऑटोमॅटिक क्लायमेट कंट्रोल, वेंटिलेटेड फ्रंट सीट्स, अॅडजस्टेबल ड्रायव्हर सीट आणि कनेक्टेड कार टेक्नॉलॉजीही मिळते.
सेफ्टीमध्ये कोणते पर्याय आहेत?
ग्रँड विटारा मध्ये मल्टिपल एअरबॅग्स, ABS सह EBD, इलेक्ट्रॉनिक स्टॅबिलिटी कंट्रोल (ESC), हिल होल्ड असिस्ट, स्पीड अलर्ट, सीट बेल्ट रिमाइंडर आणि पार्किंग सेंसरसारखे अनेक सुरक्षा पर्याय देण्यात आले आहेत. हे सर्व फीचर्स गाडीला केवळ आरामदायक नाही, तर सुरक्षित बनवतात.
DISCLAIMER
वरील माहिती ही विविध माध्यमांतून संकलित असून, तिचा उद्देश ग्राहकांना सामान्य मार्गदर्शन देण्याचा आहे. वाहन खरेदीपूर्वी अधिकृत डीलरशी संपर्क साधून सर्व अटी, ऑफर्स आणि फीचर्सची पुष्टी करून निर्णय घ्यावा.
