Higher Pension Scheme: जास्त पेन्शनची चर्चा खूप दिवसांपासून होत आहे. मात्र आता पर्यंत वाढीव निवृत्ती वेतनाचा हिशोब कसा व किती होणार याबाबत संभ्रम होता. सरकारने आता 6.2 कोटीहून अधिक EPFO ग्राहकांसाठी एक फॉर्म्युला तयार केला आहे.
ईपीएफओने जास्त पेन्शनच्या थकबाकीच्या मोजणीबाबत एक परिपत्रक जारी केले आहे. या परिपत्रकात ईपीएफ सदस्यांना अधिक पेन्शनचा पर्याय कसा मिळेल आणि आणखी किती पैसे जमा केले जातील हे सांगण्यात आले आहे.
ईपीएफओच्या मते, ईपीएस शिल्लकची गणना महिन्या दर महिन्याच्या आधारावर केली जाईल. मूळ वेतनातील थकबाकीची गणना ज्या दिवसापासून मूळ वेतन 15,000 रुपयांच्या मर्यादेपेक्षा जास्त होईल त्या दिवसापासून केली जाईल. नियोक्त्याला मूळ पगाराच्या 8.33% रक्कम भरावी लागेल.
बेसिक सैलरी वाढेल
जर एखाद्या कर्मचाऱ्याचे मूळ वेतन 15,000 रुपयांपेक्षा जास्त असेल, तर नियोक्त्याला 1 सप्टेंबर 2014 पासून 1.16 टक्के अतिरिक्त योगदान द्यावे लागेल. 8.33 टक्के आणि 1.16 टक्के योगदान पेन्शन फंडातील रकमेच्या तुलनेत समायोजित करावे लागेल.
हे पण वाचा
व्याज कैलकुलेशन होईल
कर्मचाऱ्याने ईपीएफमध्ये जमा केलेल्या रकमेवर चक्रवाढ व्याज दिले जाईल. हे व्याज EPF योजना 1952 अंतर्गत मिळेल. ज्या न्यासांना सूट देण्यात आली आहे. जास्त दर जाहीर केल्यास त्यांच्यावर हा निर्णय लागू होईल.
EPS म्हणजे काय?
कर्मचारी पेन्शन योजना 95 म्हणजेच EPS 95 16 नोव्हेंबर 1995 रोजी लागू करण्यात आली. 1 सप्टेंबर 2014 पूर्वी, EPS खात्यात जास्तीत जास्त योगदानासाठी 5,000 रुपयांची मर्यादा होती. यानंतर ही मर्यादा 15,000 रुपये करण्यात आली आहे.
हायर पेंशन अर्ज करण्याची संधी
पेन्शनच्या मोजणीसाठी लवकरच आणखी एक परिपत्रक जारी करण्यात येणार आहे. ईपीएफओच्या अधिकाऱ्याने सांगितले की, शिल्लक आणि पेन्शनची गणना करण्यासाठी एक परिपत्रक जारी केले जाईल.
