PM Kisan Samman Nidhi: पंतप्रधान किसान सन्मान निधी (PM-Kisan) योजनेचे लाभार्थी 19 व्या हप्त्याची आतुरतेने वाट पाहत आहेत. फेब्रुवारी 2019 मध्ये सुरू करण्यात आलेली ही योजना केंद्र सरकारने लहान आणि अल्पभूधारक शेतकऱ्यांना आर्थिक सहाय्य देण्यासाठी सुरू केली होती. या योजनेअंतर्गत सरकार दरवर्षी शेतकऱ्यांना 6,000 रुपये देते. ही रक्कम तीन समान हप्त्यांमध्ये थेट त्यांच्या बँक खात्यांमध्ये ट्रान्सफर केली जाते.

पीएम किसान योजना 19 वा हप्ता कधी येणार?

19 व्या हप्त्याच्या फेब्रुवारी 2025 मध्ये जारी होण्याची अपेक्षा आहे, मात्र याबाबत अद्याप अधिकृत घोषणा झालेली नाही.

कोणत्या शेतकऱ्यांना लाभ मिळत नाही?

जर शेतकरी कुटुंबातील कोणत्याही व्यक्तीने कर भरला असेल तर त्याला या योजनेचा लाभ मिळत नाही. कुटुंबातील सदस्यांचा अर्थ पती, पत्नी आणि अवयस्क मुले यांच्याशी संबंधित आहे. ज्यांच्याकडे शेतीयोग्य जमीन नाही, त्यांना या योजनेतून वगळण्यात आले आहे. जर शेतीयोग्य जमीन तुमच्या आजोबा, वडील किंवा कुटुंबातील अन्य सदस्यांच्या नावावर असेल तर तुम्हाला PM Kisan योजनेचा लाभ मिळणार नाही.

जर पती-पत्नींपैकी कोणत्याही एका व्यक्तीने या योजनेचा लाभ घेतला असेल, तर दुसऱ्याला लाभ मिळणार नाही. जर एखादा शेतकरी मालक सरकारी नोकरीत असेल, तर त्यालाही या योजनेचा लाभ मिळणार नाही. नोंदणीकृत डॉक्टर, अभियंता, वकील आणि सीए यांनाही या योजनेतून वगळण्यात आले आहे. जर एखाद्या शेतकऱ्याला वर्षाकाठी 10,000 रुपयांची पेन्शन मिळत असेल, तर तोही या योजनेचा लाभ घेऊ शकत नाही.

PM-Kisan योजना स्वेच्छेने सोडता येते

जर एखादा शेतकरी अनुचित पद्धतीने या योजनेचा लाभ घेत असेल, तर तो स्वेच्छेने ही योजना सोडू शकतो.

प्रक्रिया:

सर्वप्रथम PM Kisan वेबसाइटवर जा.
‘Voluntary Surrender of PM Kisan Benefits’ या टॅबवर क्लिक करा.
तुमचा नोंदणी क्रमांक आणि कॅप्चा कोड टाका आणि OTP घ्या.
OTP टाकल्यानंतर तुम्हाला मिळालेल्या सर्व हप्त्यांचा तपशील दिसेल. ‘Do you Wish to Surrender your PM-Kisan Benefit?’ या पर्यायावर ‘Yes’ क्लिक करा आणि OTP टाका.
त्यानंतर तुमच्या खात्यात पैसा ट्रान्सफर होणे थांबेल.