PM Kisan Yojana: राज्यात नुकतेच लाडकी बहीण योजनेचे दोन हप्ते एकाचवेळी जमा करण्यात आले आहेत, आणि आता शेतकऱ्यांसाठीही एक आनंदाची बातमी आहे. नमो किसान महासन्मान योजनेचा हप्ता आज जमा होणार आहे. पीएम किसान योजनेचे ₹2000 आज जमा होणार आहेत. त्यामुळे राज्यातील एकाच घरात आज एकूण ₹5000 मिळणार आहेत. परळी येथे कृषी महोत्सवामध्ये केंद्रीय कृषिमंत्र्यांच्या हस्ते हे पैसे वितरित केले जाणार आहेत, आणि त्याचा फायदा देशातील एक कोटी शेतकऱ्यांना होणार आहे.
राज्य शासनाने नुकतेच जाहीर केलेल्या सोयाबीन-कापूस उत्पादक शेतकऱ्यांना दिल्या जाणाऱ्या अनुदानाचे वितरण करण्यासाठी सुरू केले जात असलेल्या पोर्टलचेही अनावरण होणार आहे. एकूणच, लाडक्या बहिणींच्या पाठोपाठ आता शेतकरीही लाडके ठरणार आहेत.
शेतकऱ्यांना आर्थिक पाठबळ देण्यासाठी केंद्र सरकारने विविध योजना सुरू केल्या आहेत. यातील एक योजना म्हणजे पंतप्रधान किसान सन्मान निधी योजना (PM Kisan Samman Nidhi Yojana). या योजनेच्या माध्यमातून दरवर्षी शेतकऱ्यांना ₹6000 ची आर्थिक मदत केली जाते. प्रत्येक चार महिन्यांच्या अंतराने शेतकऱ्यांच्या खात्यात ₹2000 चा हप्ता जमा होतो. आतापर्यंत 17 हप्ते जारी करण्यात आले आहेत.
अर्जातील माहिती पुन्हा एकदा चेक करा
पीएम किसान योजनेचा लाभ घेण्यासाठी शेतकऱ्यांनी अर्ज करताना दिलेली माहिती तपासणे आवश्यक आहे. अर्जामध्ये नाव, लिंग, आधार क्रमांक, खाते क्रमांक यासारखी माहिती योग्यरित्या भरा. जर तुम्ही ती चुकीच्या पद्धतीने भरलीत, तर तुम्ही योजनेच्या लाभापासून वंचित राहू शकता. ज्या शेतकऱ्यांच्या जमिनीची पडताळणी अद्याप झालेली नाही, त्यांना या योजनेचा लाभ मिळणार नाही.
योजने संबंधित माहिती कुठे मिळेल?
योजनेशी संबंधित अपडेट्ससाठी किसन भाई अधिकृत साइट pmkisan.gov.in वापरू शकतात. शेतकरी बांधवही जवळच्या CSC केंद्रावर जाऊन ई-केवायसी करू शकतात. शेतकरी बांधवांना काही अडचण आली तर ते हेल्पलाइन क्रमांक 155261 वरून मदत घेऊ शकतात. योजनेशी संबंधित तपशील जाणून घेण्यासाठी शेतकरी बांधव 1800115526 या क्रमांकावर संपर्क साधू शकतात.
